Tutorials-All in One: ایڈوب فوٹو شاپ کا مختصر تعارف

گرافکس ڈیزائننگ کی دنیا میں انقلاب برپا کرنے والے سافٹ ویئر ایڈوب فوٹوشاپ کو شاید ہی کوئی نہ جانتا ہو۔فوٹوشاپ فوٹو ایڈٹنگ ، گرافکس ، اشتہارات کے ڈیزائن بنانے ، لوگو ڈیزائن کرنے کے علاوہ ہر کام جو گرافکس سے جڑتا ہو وہ فوٹو شاپ میں ممکن ہے۔ایڈوب کمپنی کی جانب سے 23 اپریل 2012 کو فوٹوشاپ کا نیا نسخہ سی ایس 6 CS6 متعارف کروایا گیا س نسخہ میں فوٹو کے ساتھ ساتھ ویڈیو ایڈیٹنگ کی سہولت بھی مہیا کی گئی.

فوٹو شاپ کی تاریخ.
یہ 1987 کی بات ہے مشی گن یونیورسٹی کے ایک پی ایچ ڈی طالب علم تھامس نول نے ایسا پروگرام بنانے کی کوشش کی جو مونوکروم تصاویر کو گرے اسکیل پر دکھا سکے۔اس پروگرام کو بنانے میں تھامس نول کے بھائی ، جان نول نے بھی حصہ لینا شروع کردیا۔تھامس نے 6 ماہ کے وقفہ میں اپنے بھائی کے ساتھ مل کر پروگرام تیار کرنے کی بھر پور کوشش کی۔جان نول نے تھامس کو مشورہ دیا کہ اس سافٹ ویئر کو مکمل فوٹو ایڈیٹنگ پروگرام میں بدلا جائے۔تھامس نے اپنے بھائی کے ساتھ مل کر 1988 میں سافٹ ویئر تیار کرلیا۔جس کے بعد اس سافٹ ویئر کا نام امیج پرو رکھا گیا لیکن اس نام کو پہلے سے حاصل کیا گیا تھا اس لیئے پھر اس سافٹ ویئر کا نام امیج پرو سے بدل کر فوٹوشاپ رکھ دیا گیا۔اس سافٹ ویئر کو جب ایڈوب کمپنی کے سامنے پیش کیا گیا تو ایڈوب کمپنی نے اس کا ڈسٹری بیوشن لائسنس اسی سال یعنی 1988 میں خرید لیا۔ایڈوب فوٹوشاپ کا پہلا نسخہ 1990 میں ریلیز کیا گیا تھا۔
عکس